西班牙大晒冷

2019-06-19 10:06:47 来源:网络

豁出去同比利時鬥攻
周四凌晨U21歐國盃A組焦點戰,西班牙U21將會鬥比利時U21。狂牛小將首戰1比3不敵東道主意大利,後防錯漏百出,令出線形勢亮起紅燈,為保住一線生機今場肯定搶攻,可幸西班牙陣中多的是進攻天才,想入波話咁易,入球大值得留意。

(周四凌晨零時30分開賽)

以2015年U19歐國盃冠軍班底為骨幹嘅西班牙,陣中馬約萊爾、卡路士蘇拿同捷西斯華利祖過去一季喺西甲經常有機會上陣,踢法日漸成熟。上屆U21歐國盃決賽,西班牙雖然不敵德國屈居亞軍,不過演出絕對獲得肯定,其中「天才中場」丹尼施巴路斯就攞咗上屆嘅最佳球員獎,搶盡風頭。今屆呢位效力皇家馬德里嘅進攻好手繼續成為西班牙核心,首戰面對意大利佢就用一記世界波為球隊打開紀錄,可惜「狂牛」後防甩漏問題嚴重,最終被對手連追3球輸波收場,爭出線西班牙今場非勝不可,隨時一開波就搶攻。

比軍靠利亞伊斯卡
除大部分效力比甲聯賽嘅球員之外,比利時U21大軍中最矚目的一員,肯定係效力法甲圖盧茲的利亞伊斯卡,呢位前鋒名氣雖然不及西班牙陣中球星,不過質素有番咁上下。雖然首戰球隊不敵波蘭,但利亞伊斯卡就曾為比利時U21先開紀錄,今場面對唔算穩陣嘅西班牙後防,利亞伊斯卡有望再次發難,相信比利時有本錢同西班牙鬥攻,入球大值博。

吉林快3