烏拉圭大開殺戒

2019-06-20 09:54:32 来源:网络

鋒線磨利斬日軍
聽朝美洲國家盃獨腳戲,C組烏拉圭迎戰日本。烏拉圭今屆有兩大神鋒蘇亞雷斯同卡雲尼衝鋒陷陣,加上盧迪路後上支援,首戰就火力全開大捷而回,面對後防未算硬淨嘅日本,要入波唔難;日本首輪大敗今仗冇得縮,加上兩軍近年對碰旺大手交易,中位數2.5球大盤好路。

(Now 650及Now E周五早上7時直播)

烏拉圭首戰盡顯霸氣,面對實力分子厄瓜多爾,都能取得完美開局。開波早段中場盧迪路個人表演先開紀錄,之後趁住對手打少一人下攻勢更係水銀瀉地,卡雲尼凌空「車身倒掛」射入世界波,加埋拍檔蘇亞雷斯都有斬獲,兩大箭頭齊齊開齋,一條鋒線磨到利晒,睇得出烏拉圭全隊上下都充滿決心,係為咗冠軍而嚟,面對任何防線都有入波本錢。

日本久保建英首戰搶鏡
「藍武士」日本今次點兵明顯為明年奧運作準備,以年輕球員為主,經驗欠奉成為一大弊病,上仗對住智利就慘吞4蛋,落筆打三更,後防面對南美勁旅明顯招架唔嚟。可幸進攻其實唔曳,多次威脅對手後防,入唔到波只係欠運,其中剛轉投皇家馬德里嘅超新星久保建英,表現極為搶鏡,經過首場適應後,相信會有更佳發揮。況且雙方近4次交手,有3次開3球或以上,今仗兩隊勢演對攻戰,中位數2.5球大盤唔好錯過。

吉林快3